Kryeministri i Kosovës ka vizituar sot komunën e Malishevës ku u takua me kryetarin e kësaj komune Ragip Begaj.
Sipas Haradinajt me kryetarin Begaj ka biseduar për avancimin e infrastrukturës si dhe kthimin e pronave nga AKP për projekte zhvillimore.
Postimi i Haradinajt në Facebook:
Vizitë pune Komunës së Malishevës për të mësuar nga afër për projektet dhe sfidat e qytetarëve, si dhe për thellimin e bashkëpunimit ndërmjet pushtetit qëndror me atë lokal. Me kryetarin Ragip Begaj bashkëbiseduam për progresin e arritur në këtë komune, veçanërisht në avancimin e infrastrukturës, si dhe kthimin e pronave nga AKP tek Komuna për projekte zhvillimore dhe në interesin publik. Zhvillimi i qëndrueshëm i Malishevës, asistimi i prodhuesve vendorë përmes rritjes së kapaciteteve energjetike, rindërtimi i digës në Mirushë, do ta kenë mbështetjen e Qeverisë.
