Kryetari i Komunës së Skenderajt, Bekim Jashari, i është bashkuar fushatës vetëdijesuese për ngasësit në komunikacion “Mbaji duart në timon e jo në telefon!” dhe “Stop alkoolit gjatë vozitjes!”.
Në një postimi në Facebook, ka shkruar se “na duhet e gjithë vëmendja gjatë ngasjes, pasi vetëm ne mund të ndihmojmë në uljen e rasteve të vdekjes në trafik dhe lëndimeve të njerëzve”.
Postimi i plotë:
Një kontribut i vogël me një mesazh të madh për të gjithë ngasësit në komunikacion, në kuadër të fushatës vetëdijesuese “Mbaji duart në timon e jo në telefon!” dhe “Stop alkoolit gjatë vozitjes!”.
Na duhet e gjithë vëmendja gjatë ngasjes, pasi vetëm ne mund të ndihmojmë në uljen e rasteve të vdekjes në trafik dhe lëndimeve të njerëzve.
Ndalohet leximi i këtij mesazhi gjatë ngasjes!
