Asfaltohet rruga Bukosh-Prilluzhë - Bota Sot
Asfaltohet rruga Bukosh-Prilluzhë

Kosova

Asfaltohet rruga Bukosh-Prilluzhë

Më: 9 gusht 2019 Në ora: 15:28
Asfaltimin e kësaj rruge Kadriu e cilësoi si një arterie shumë të rëndësishme

Zëvendësministri i Infrastrukturës dhe Transportit, Rexhep Kadriu, të premten mori pjesë në fillimin e asfaltimit të rrugës Bukosh-Prilluzhë, investim i MIT-së.

Asfaltimin e kësaj rruge Kadriu e cilësoi si një arterie shumë të rëndësishme, e cila ua mundëson qarkullimin tri komunave: Obiliq, Vushtrri dhe Mitrovicë, si dhe lidh 17 fshatra mes vete.

Me gjatësi mbi dymbëdhjetë kilometra, asfaltimi i rrugës Bukosh-Prilluzhë ka kosto afër dy milionë euro dhe pritet të përfundojë brenda 150 ditë pune të parapara sipas planit dinamik.

MIT tanimë është në fazën e asfaltimit të rrugëve të cilat u mundësojnë qytetarëve të Republikës së Kosovës infrastrukturë moderne, dhe gjatë muajve në vazhdim, pritet të fillojë edhe asfaltimi i shumë projekteve të tjera.

Shfaq komentet
comments powered by Disqus
Sot mund të lexoni Shfletoni kopertinat