Aksidenti në rrugën Pozhoran-Viti, një muaj paraburgim për të pandehurit I. A - Bota Sot
Aksidenti në rrugën Pozhoran-Viti, një muaj paraburgim për të pandehurit I. A

Kosova

Aksidenti në rrugën Pozhoran-Viti, një muaj paraburgim për të pandehurit I. A

Më: 23 gusht 2019 Në ora: 16:15
Ilustrim

Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej 30 ditë të pandehurit I. A, i cili me veturën e tij ka aksidentuar një veturë tjetër duke lënduar katër persona, njëri prej të cilëve më pas ka vdekur.

Gjykata nëpërmjet një komunikate thotë se ekziston dyshimi bazuar me datë 22 gusht, në rrugën Pozhoran-Viti, i pandehuri ka rrezikuar trafikun publik duke vënë në rrezik jetën e njerëzve dhe pasurinë e tyre, në atë mënyrë që duke e drejtuar automjetin nuk  përshtatë shpejtësinë kushteve të rrugës, ashtu që e humb kontrollin dhe kalon në shiritin e kundërt dhe më këtë rast ndeshet me automjetin tjetër, dhe si pasojë e kësaj kanë marrë lëndime trupore E. E., H. E., A. E. dhe Sh. E., të cilët dërgohen në Qendrën Emergjente në Gjilan, ndërsa Sh. E., transferohet në Qendrën Klinike Universitare të Kosovës (QKUK) dhe për shkak të lëndime të rënda  i njëjti ndërron jetë me datën 22.08.2019.

“Me këto veprime i pandehuri, dyshohet të ketë kryer veprën penale ‘’rrezikim i trafikut publik” vepër e sanksionuara me Kodin Penal të Republikës së Kosovës (KPRK). Gjyqtari i procedurës paraprake në Departamentin e Krimeve të Rënda, pas shqyrtimit të shkresave të lëndës, ka konsideruar se janë përmbushur kushtet ligjore për caktimin e masës së paraburgimit ndaj të pandehurit, pasi që masat tjera alternative do të ishin të pamjaftueshme për zhvillimin normal të procedurës penale”, thuhet në komunikatën e gjykatës.

Palët kanë të drejtën e ankesës ndaj këtij vendimi në Gjykatën e Apelit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...