Nis pastrimi i shtratit të lumit Klina - Bota Sot
Nis pastrimi i shtratit të lumit Klina

Kosova

Nis pastrimi i shtratit të lumit Klina

Më: 3 shtator 2019 Në ora: 14:55
Foto

Kryetari i Skenderajt, Bekim Jashari, njoftoi se ka nisur puna për pastrimin e shtratit të lumit Klina në të cilën persona të papërgjegjshëm kanë hedhur mbeturina.

Jashari apeloi qytetarët që të bëjnë më shumë kujdes dhe të mos hedhin mbeturina pasi po shkaktohet dëm i madh.

“Ka nisur dhe do të vazhdojë ditëve në vijim puna për pastrimin e shtratit të Lumit Klina, prej mbeturinave të hedhura nga njeriu, për fat të keq, që në mungesë të vëmendjes dhe trajtimit çfarë kërkon lumi ynë - si pasuri natyrore, po i shkaktojmë ambientit dëme të mëdha, dëme këto të cilat ne të tashmit dhe gjeneratat që do të vijnë, do t’i paguajmë shtrenjtë. Lumi Klina aktualisht ndodhet pa ujin e mjaftueshëm, në këtë stinë të verës dhe thatësirës, andaj kërkoj kujdes shumë të madh, nga të gjithë qytetarët pa dallim, që ta ruajmë këtë pasuri si sytë e ballit”, shkroi Jashari.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...