Gjatë ditës së sotme në Komunën e Kamenicës është bërë lansimi i platformës digjitale “Kamenica Open Data”.
Përmes kësaj platforme, do të bëhet pasqyrimi i të gjitha informacioneve të mbledhura nga drejtoritë komunale dhe do të bëhet klasifikimi në disa kategori ku do të përfshihet edhe puna e kryetarit të komunës.
Nga sot, qytetarët e Kamenicës do të kenë qasje më të lehtë në të gjitha informacionet që kanë të bëjnë me qverisjen komunale.
Ky projekt është financuar nga Ministria e Inovacionit dhe Ndërmarrësisë, implementuar nga organizata General Youth Education of Kosovo (GYEK) në bashkëpunim me Komunën e Kamenicës.
Kamenica është komuna e parë në Kosovë për këtë platformë në Android dhe IOS.