Gjenden emrat e tre personave të vdekur në listat e votuesve në Viti - Bota Sot
Gjenden emrat e tre personave të vdekur në listat e votuesve në Viti

Kosova

Gjenden emrat e tre personave të vdekur në listat e votuesve në Viti

Më: 6 tetor 2019 Në ora: 10:13
Foto ilustrim

Në shkollën e mesme profesionale “Jonuz Zejnullahu” në Komunën e Vitisë, janë evidentuar tre emra të personave të vdekur në listat e votuesve.

Kjo është vënë re nga votues familjarë të të ndjerëve. Hasan Saqipi thotë se kjo nuk është hera e parë që ndodhë një gjë e tillë.

“Që të tre familjarët kanë vdekur në spital dhe përkundër se kemi bërë ankesë, emrat e tyre nuk janë larguar”, ka thënë Saqipi për RTV Dukagjini.

Një gjë e tillë u vërtetua edhe nga menaxheri i qendrës Nijazi Lutfiu.

“Procesi i votimit ka shkuar me rregull, e edhe pajisja me materialet e nevojshme. Është një rast ku është raportuar se janë parë emra të familjarëve të vdekur”, ka deklaruar Lutfiu.

Në Komunën e Vitisë, Qendrat e Votimit janë hapur me kohë dhe deri më tani nuk është raportuar për ndonjë incident tjetër.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...