Bastion i sigurt e i pathyeshëm për Partinë Demokratike të Kosovës vazhdon të jetë komuna e Skenderajt.
Komisioni Qendror Zgjedhor njofton se deri më tani në këtë komunë janë numëruar 92% të votave dhe prinë bindshëm PDK e Kadri Veselit me 13 mijë vota apo 76%.
Tutje, për nga numri i votave në Skenderaj renditet Lëvizja Vetëvendosje me 1 mijë e 280 vota apo 7% dhe e treta është Nisma Socialdemokrate, 1 mijë e 82 vota apo 6%.
Lidhja Demokratike e Kosovës është e katërta me vetëm 876 vota.