Protestojnë psikologët e papunë, kërkojnë anulimin e konkurseve të ‘fushatës’

Kosova

Protestojnë psikologët e papunë, kërkojnë anulimin e konkurseve të ‘fushatës’

Më: 15 tetor 2019 Në ora: 10:15
Foto

Disa psikologë të specializuar kanë protestuar sot para administratës së Shërbimit Spitalor Universitar të Kosovës për shkak se pretendojnë se në Klinikën e Psikiatrisë janë pranuar dy persona që nuk i plotësojnë kushtet në pozitën e psikiatrit.

Sipas tyre, ky konkurs është bërë gjatë kohës së fushatës.

Visar Sadiku përfaques i protestuesve  tha se nuk do të  lejojnë që në këtë konkurs të punësohen persona, të cilët nuk janë kompetentë për atë pozitë.

Sadiku: Na kanë premtuar punësime por kjo nuk ka ndodhur

 “Kanë kaluar shumë kohë në të  cilat ne jemi premtuar në vazhdimësi që do të punësohemi, dhe tanimë ka ardhur fundi dhe ne nuk do të tolerojmë në asnjë mënyrë qe të punësohen persona, të cilët nuk janë kompetent për këto pozita”, tha Sadiku.

Psikologët protestues  thanë se në rast se nuk plotësohen kërkesat e tyre ata do të vazhdojnë me protesta derisa ato të plotësohen ,sepse sipas tyre vetëm ata që janë të specializuar në Psikologjinë Klinike e meritojnë të jenë në ato pozita.

Sadiku:  Ne do t’i mbështsim pozitat tona

 “Kemi qendra të mjekësisë familjare, kemi SHSUK -në të cilat roli i psikologut gjithmonë shkon e venitet, e kjo si pasojë që SHSUK dhe bordi i saj nuk e shohin si të arsyeshme involvimin e psikologut në këto qendra. Ne do të mundohemi që ta ngrisim zërin tonë dhe t’i mbështesim pozitat tona”, tha Sadiku.

Për gjithë këto që kanë ndodhur, psikologët protestues kanë deklaruar se kanë bërë ankesa por deri më tani nuk ka pasur asnjë rezultat.

commentFirst article
Sot mund të lexoni Shfletoni kopertinat