Kryetari i Komunës së Drenasit, Ramiz Lladrovci përmes një shkrimi të publikuar në llogarinë Facbook ka treguar se kanë filluar punimet në sheshin “Fehmi Lladrovci” për bazamentin e tri shtatoreve të heronjve të pavdekshëm, Shaban Jashari, Hamëz Jashari dhe komandantit legjendar, Adem Jashari.
“Mbi këtë bazament, do të vendosen shtatoret e tre heronjve, më 28 Nëntor.
Sheshi kryesor i Drenasit, tashmë ka heronjtë e heroinën Xhevë Krasniqi- Lladrovci, Fehmi Lladrovci, Ilaz Kodra, Rasim Kiçina dhe Bedri Shala”, ka shkruar Lladrovci.
I pari i Drenasit tutje ka thënë se këto shtatore, përjetësohen duke qenë zemra e lirisë, mesazh ndër shekuj se si fitohet liria, këtu ku buron liria jonë!