Kryetari i Komunës së Obiliqit Xhafer Gashi, priti sot në takim përfaqësuesit e kompanisë JICA nga Japonia Shimizu Masuto, Edo Ei dhe Kuwahara Fumihiko, si dhe përfaqësues nga MMPH.
Në këtë takim, nga ekspertët e JICA-së u prezantua projekti i zhvillimit të kapaciteteve për kontrollin e ndotjes së ajrit në Kosovë, me ç’rast u diskutua edhe për vendosjen e ekranit në qendër të Obiliqit i cili do të bëjë kontrollin e cilësisë së ajrit.
Kryetari Gashi njoftoi përfaqësuesit ndërkombëtarë për projektet që po zhvillohen në Komunën e Obiliqit, sfidat si Komunë dhe si komunitet në aspektin e ndotjes, pa përgjegjësia nga ana e KEK-ut, mosrespektimi i ligjit për Obiliqin.
Ai njëherësh mirëpriti projektin e vendosjes së ekranit në qendër të qytetit, i cili do bëjë kontrollin e cilësisë së ajrit.
