Fermerët ferizajas do të ndihmohen nga komuna. Ajo së fundi do të u dhuroj atyre lopë të racës simentale.
E tenderi për këtë furnizim tashmë edhe është dhënë, shkruan arbresh.info.
Në faqen zyrtare të Komisionit Rregullativ të Prokurimit Publik thuhet se për kontratën me titull ‘Furnizimi i fermerëve me lopë të racës simentale’ fillimisht komuna kishte parashikuar vlerën afër 90 mijë euro ose saktësisht 88.500 euro.
E pas hapjes së tenderit nga tri kompanitë që kishin aplikuar fituese ka dalë ‘N.T.P. “Agro Loni’ nga Podujeva.
Kjo kompani kishte ofruar vlerën prej 81.125 euro ndërsa vlera më e madhe e ofruar ishte 85.745 euro.
Sot është data e planifikuar për nënshkrim të kontratës.
Në njoftim nuk jepen detaje për numrin e lopëve të blera dhe fermerëve që do të furnizohen me to.
