Kryetari i Kamenicës, Qëndron Kastrati gjendet në Shqipëri, jo për të festuar por për të ndihmuar qytetarët të prekur nga tërmeti.
“Kur Shqipëria është mirë, mirë jemi edhe ne. Nuk mund të festojmë kur kemi jetë të humbura, njerëz të lënduar e të pastrehë”, ka shkruar Kastrati në Facebook.
Postimi në Facebook:
Ky 28 Nëntor na gjeti në Shqipëri. Jo për të festuar, por për t'u dalë në ndihmë qytetarëve të prekur nga tërmeti. Flamurit Kuq e Zi, edhe në gjyësëmshtizë nuk i zbehet bukuria. Ky 28 Nëntor na gjeti më të bashkuar se kurrë. Duke qenë në dispozicion për të ndihmuar në çdo formë e duke dhënë gjithçka nga vetja.
Kur Shqipëria është mirë, mirë jemi edhe ne. Nuk mund të festojmë kur kemi jetë të humbura, njerëz të lënduar e të pastrehë.
Falënderoj nga zemra secilin qytetarë, vullnetarë, biznese, nënkryetarin Jakupi e gjithë zyrtarët për gjithë angazhimin për solidarizim.
