Ndahen 100 motokultivatorë për fermerët e Komunës së Drenasit

Kosova

Ndahen 100 motokultivatorë për fermerët e Komunës së Drenasit

Më: 9 dhjetor 2019 Në ora: 16:07
Foto ilustrim

Komuna e Drenasit, përkatësisht Drejtoria e Bujqësisë, Pylltarisë dhe Zhvillimit Rural, ka bërë shpërndarjen e 100 motokultivatorë për fermerët e Drenasit.

Këto pajisje do të ndikojnë në lehtësimin e punëve të fermerëve dhe do të rrisin efikasitetin për kultivim e pemëve dhe perimeve, si dhe do të ndikojnë në zgjerimin e sipërfaqeve.

Shpërndarja e motokultivatorëve është në vazhdën e përkrahjes së Komunës së Drenasit, përkatësisht DBPZH-së për fermerët e Drenasit.

Përzgjedhja e tyre është bërë në mënyrën transparente duke u bazuar në kriteret e përcaktuara në konkurs.

Drejtoresha e Bujqësisë, Pylltarisë dhe Zhvillimit Rural, Anita Avdullahu-Dvorani, është shprehur se projektet e tilla në të mirë të fermerëve do të vazhdojnë në mënyrë që të rritet efikasiteti dhe cilësia e prodhimtarisë bujqësore.

commentFirst article
Sot mund të lexoni Shfletoni kopertinat