Sot vranët, me reshje shiu dhe bore - Bota Sot
Sot vranët, me reshje shiu dhe bore

Kosova

Sot vranët, me reshje shiu dhe bore

Më: 10 dhjetor 2019 Në ora: 07:36
Foto ilustrim

Sot do të mbajë mot kryesisht i vranët dhe me reshje shiu dhe bore, derisa në viset malore do të ketë vetëm reshje bore.

Instituti Hidrometeorologjik i Kosovës bën të ditur se temperaturat minimale do të lëvizin ndërmjet -2 deri në 2 gradë Celsius, ndërsa maksimalet e ditë parashihen të lëvizin ndërmjet 3-10 gradë Celsius.

Do të fryjë erë nga jugperëndimi dhe verilindja me shpejtësi 1-10 m/s.

Ndërkaq, të mërkurën dhe të enjten nuk parashihet të ketë reshje frontale, përpos ndonjë rige të izoluar.

Kushtet bio-meteorologjike nuk do të jenë të favorshme për shtresën e popullatës që kanë probleme me frymëmarrje dhe sëmundje tjera kronike. Ndërsa sa i përket cilësisë së ajrit, do të ketë periudha me ndotje dhe me vlera të shëndetshme, varësisht prej fazave të aktiviteteve të elementeve dhe dukurive meteorologjike.

Shfaq komentet
comments powered by Disqus
Sot mund të lexoni Shfletoni kopertinat