Ministrja e Drejtësisë, Albulena Haxhiu ka pritur sot në takim Ambasadorin e Turqisë në Kosovë, Çagri Sakar.
Sipas njoftimit të MD-së, në takim Haxhiu ka falënderuar Ambasadorin për mbështetjen e vazhdueshme që Turqia ofron për Kosovën, dhe njëherit diskutuan për rëndësinë e bashkëpunimit në fushat e caktuara me qëllim që të avancohet përpara agjenda me prioritetet që kanë të bëjnë me luftën kundër krimit të organizuar dhe korrupsionit, sundimin e ligjit si dhe forcimin e shtetit të së drejtës.
Sakar shprehu gatishmërinë për vazhdimin dhe thellimin e bashkëpunimit duke ofruar përvojat më të mira nga Turqia për të ndihmuar Kosovën dhe institucionet e saj në arritjen e progresit të kërkuar.
