Korporata Energjetike e Kosovës ka njoftuar se Vushtrria aktualisht është pa furnizim me energji elektrike.
Përmes një postimi në rrjetin social Facebook, KEDS ka njoftuar se për shkak të avarisë së shfaqur në linjën 110 kV të KOSTT, konsumatorët e distriktit të Vushtrrisë janë pa energji elektrike.
Ekipet e KEDS-it tashmë kanë dalë në terren dhe janë duke u marrë me zgjidhjen e këtij problemi.
“Furnizimi me energji elektrike për banorët e kësaj ane do të kthehet sapo të rregullohet prishja nga ana e KOSTT-it”, thuhet në njoftimin e tyre në Facebook.