Drenica mbetet e paprekur nga koronavirusi.
Në Drenas nuk ka asnjë rast me COVID-19. Pasi rasti që u konfirmua se ishte nga kjo komuna u tha se banon diku tjetër.
Parqet e Drenasit vazhdojnë të mbesin të zbrazët ashtu si i gjithë qyteti. Qytetarë të pakët mund të shiheshin në rrugët e kësaj komune.
Kryetari i Drenasit, Ramiz Lladrovci tha se drenicasit janë shumë mikpritës, por në ketë kohë pandemie nuk mund të pranojnë mysafirë nga komuna tjera e sidomos nga Malisheva.
Edhe Ismet Bogiqi, drejtor i Qendrës së Mjeksisë Familjare tha, se gjendja vazhdon të jetë stabile dhe nuk kanë asnjë rast që dyshohet se është i prekur me COVID.
Qytetarët e Drenasit po i respektojnë gjitha rekomandimet e dhëna nga autoritetet përgjegjëse andaj edhe rrugët në këtë qytet vazhdojnë të jetë të boshatisura dhe të mbikëqyrura nga Policia e Kosovës.
