Viola von Cramon shpreson se kosovarëve do t’iu hiqen vizat kur Gjermania ta marrë Presidencën - Bota Sot
Viola von Cramon shpreson se kosovarëve do t’iu hiqen vizat kur Gjermania ta marrë Presidencën

Kosova

Viola von Cramon shpreson se kosovarëve do t’iu hiqen vizat kur Gjermania ta marrë Presidencën

Më: 19 qershor 2020 Në ora: 17:21
Foto ilustrim

Nga korriku Gjermania do të merr presidencën e Këshillit të Bashkimit Europian.

Kjo është një shpresë për anëtaren e Parlamentit Europian, Viola Von Cramon, se ky ndryshim i Presidencën mund të jetë në të mirën e kosovarëve për të dalë nga izolimi.

“Është për të ardhur keq për procesin e liberalizimit të vizave për Kosovën. Unë kam lobuar shumë për këtë çështje. Ka shumë hezitim nëse janë përmbushur kriteret në shumë çështje të reputacionit të përjgithshëm si krimi i organizuar në Kosovë. Nuk është çështje teknike, por s’ka ndonjë arsye të qartë se pse ende nuk po hiqet regjimi i vizave”, tha Cramon në Asamblenë Parlamentare të Procesit të Bashkëpunimit të Europës Juglindore (SEECP) që u mbajt online.

“Shpresoj që me marrjen e Presidencës nga Gjermana t’u jepen vizat kosovarëve. Është diskriminim dhe ne nuk mund të premtojmë atë që s’mund të bëjmë. Ky frustrim ndjehet edhe nga shumë kolegë të mi në Parlament, në veçanti në Berlin, por edhe në shumë kryeqytete të tjera. Jam mjaft optimist që presidenca gjermane ta pranojë këtë situatë”.

Cramon është edhe Raportuese për Kosovën në PE.

Shfaq komentet
comments powered by Disqus
Sot mund të lexoni Shfletoni kopertinat