Oficeri korrektues fut gjëra të dyshimta në qelinë e të burgosurit, kamerat e kapin dhe arrestohet

Kosova

Oficeri korrektues fut gjëra të dyshimta në qelinë e të burgosurit, kamerat e kapin dhe arrestohet

Më: 26 qershor 2020 Në ora: 08:35
Foto ilustrim

Oficeri korrektues fut gjëra të dyshimta në qelinë e të burgosurit, kamerat e kapin dhe arrestohet

Shërbimi Korrektues i Kosovës ka bërë të ditur se njëri nga oficerët e saj është arrestuar pasi që është zënë në kamerat e sigurisë duke iu afruar qelisë së një burgosuri dhe ka futur diçka tek ai.

Shërbimi Korrektues i Kosovës njofton opinion publik se sonte rreth orës 19:28 në Qendrën e Paraburgimit Prishtinë, oficeri i dhomës së kontrollit gjatë monitorimit të kamerave ka vërejtur se në krahun A/2 dhoma 07, njeri nga oficerët e këtij krahu pa autorizimin e lejuar, në mënyrë jo të rregullt, i është afruar dhomës dhe pasi ka biseduar përmes derës së mbyllur me të paraburgosurit e kësaj dhome, i njëjti është përulur dhe përmes fundit të derës ka futur gjera  të dyshimta në dhomë.

‘’I menjëhershëm ka qenë reagimi i oficerëve korrektues, të cilët pas lokalizimit të oficerit të dyshuar dhe organizimit të bastisjes së dhomës, kanë arritur të gjejnë mjete të dyshimta.”, thuhet nga SHKK.

Lidhur me rastin menjëherë janë njoftuar policia, të cilët kanë dalë në vendin e ngjarjes, i dyshuari është arrestuar dhe është shoqëruar në stacion për intervistim.

‘’Shërbimi Korrektues i Kosovës është i fokusuar në luftimin e dukurive negative, ku hyjnë luftimi i kontrabandës dhe substancave narkotike, keqpërdorimi i pozitës zyrtare dhe korrupsionit, dhe nuk do të lejoi në asnjë mënyrë rrezikim e institucioneve korrektuese me veprime të tilla.’’, përfundon komunikata. 

commentFirst article
Sot mund të lexoni Shfletoni kopertinat