Si vdiq 13 vjeçarja nga Drenasi, flasin dëshmitarët

Kosova

Si vdiq 13 vjeçarja nga Drenasi, flasin dëshmitarët

Më: 27 qershor 2020 Në ora: 19:56
Foto ilustrim

Një 13 vjeçare nga Drenasi dyshohet se ka humbur jetën në një pishinë në fshatin Baicë të Lipjanit. Rasti është konfirmuar nga policia e Kosovës.

Ndërkohë për rastin tragjik të ditës së sotme kanë folur dy dëshmitarë. Sipas tyre, e ndjera ka qëndruar në ujë rreth një orë para se t’i ofrohej ndihma.

Besart Bajraktari, banor i fshatit ishte i pari që pa viktimën dhe tentoi ta ndihmonte. Në përpjekje të tillë ai kishte takuar rastësisht një polic, i cili gjithashtu kishte provuar të ndihmonte.

Ai tregon se me makinën e tij, tashmë të ndjerën e kishin dërguar në Qendrën e Mjekësisë Familjare në Komoran, pasi paraprakisht QMF’në e Shalës e kishin gjet të mbyllur.

“Kam tentuar  mi dhanë ndihmën e shpejtë. Kam marrë ndihmën edhe të një polici. E kam dërguar në Shalë në ambulantë, aty ishte mbyll, pastaj e kemi dërguar në Komoran por ajo kishte vdekur”, tha ai për T7.

Ndërkohë dëshmitari tjetër ka treguar se thellësia maksimale e pishinës është dy metra.

Ai tha se pishina është publike dhe se është ndërtuar nga vetë fshati.

“Nuk ka persona që kujdesen për ata që vijnë. Ne e kemi cek gjithmonë që secili prind me pas kujdes për fëmijët e tij”, tha ai.

Ai ka treguar se gjatë pandemisë pishina ka punuar me “kapak” derisa sipas tij prej dy javësh pothuajse çdo ditë vizitohet nga qindra qytetarë .

Sipas MSH’së pishinat në Kosovë pishinat duhet hapur nga 1 korriku.

commentFirst article
Sot mund të lexoni Shfletoni kopertinat