Gjashtë raste aktive me Covid-19 në Malishevë - Bota Sot
Gjashtë raste aktive me Covid-19 në Malishevë

Kosova

Gjashtë raste aktive me Covid-19 në Malishevë

Më: 8 korrik 2020 Në ora: 05:59
Foto ilustrim

Bazuar në analizat e testimeve të sotme për Covid-19, sot janë bërë tri teste të qytetarëve nga Komuna e Malishevës, ku një prej tyre ka rezultuar pozitiv duke e çuar numrin në gjashtë persona aktiv.

Rasti i sotëm është konfirmuar në rrugë zyrtare të komunikimit me IKSHPK-në.

Rasti është person kontakti jashtë Komunës së Malishevës.

“Të nderuar qytetarë, ju lutemi që ti respektoni masat dhe rekomandimet e institucioneve shëndetësore, pasi nuk ka mënyrë tjetër të mbrojtjes nga covid-19. Mbani maska mbrojtëse, mbani distancën, mbani higjienën e nevojshme dhe mos rrini në vendet ku ka grumbullim apo turma të njerëzve, me qëllim që të shmangies së kontakteve me persona që janë të infektuar me virusin korona”, tha sonte pas publikimit të rezultateve nënkryetari i Komunës së Malishevës Hajdin Berisha duke iu bërë thirrje qytetarëve që të bëjnë kujdes të shtuar.

Gjendja aktuale me Covid-19 në Komunën e Malishevës nga data 14 mars 2002  deri më sot është si vijon: 84 të prekur, prej tyre 76 janë shëruar, 6 persona janë aktiv dhe 2 persona kanë vdekur.

Shfaq komentet
comments powered by Disqus
Sot mund të lexoni Shfletoni kopertinat