​Shënohet viktima e parë me Covid-19 në Drenas

Kosova

​Shënohet viktima e parë me Covid-19 në Drenas

Më: 14 korrik 2020 Në ora: 17:46
Foto ilustrim

Edhe një pacient me Covid-19 ka vdekur sot.

Rasti i ri vjen nga Drenasi. Këtë lajm e ka bërë të ditur, kryetari Ramiz Lladrovci përmes një statusi në Facebook.

Ai ka ngushëlluar familjen për humbjen e anëtares së saj, dnërsa është lutur që ky të jetë rasti i parë dhe i fundit.

Ky është statusi i plotë i tij:

Të nderuar qytetarë të Komunës së Drenasit,

Sot, është një nga ditët më të rënda që prej shfaqjes së pandemisë në komunën tonë.

Për fat të keq, nga Klinika e Pulmologjisë në Prishtinë, jemi njoftuar se nga komuna jonë, ka vdekur një qytetare e infektuar me covid-19.

Ky është rasti i parë që nga fillimi i pandemisë dhe më i rëndi për ne.

Familjes Bytyqi i shpreh ngushëllimet më të sinqerta duke bashkëndjerë dhimbjen për humbjen e anëtares se dashur të familjes.

Shpresojmë që ky të jetë rasti i fundit që përfundoi me fatalitet.

Të prekurve nga virusi covid-19, ju uroj shërim të shpejtë.

Respektoni masat dhe rekomandimet e IKSHP-së.

Mbani maskat, ruani distancën dhe kujdesuni për higjienën, mbroni familjet Tuaja dhe shëndetin publik!

commentFirst article
Sot mund të lexoni Shfletoni kopertinat