Fermeri Masar Piraj nga Plava ka kërkuar nga kryeministri Avdullah Hoti që mos të investojë më Qeveria në projekte infrastrukturë e në asfalt, por të ketë fokus bujqësi, pasi ky sektor është shtytës i zhvillimit ekonomik.
Në anën tjetër, kryeministri Abdullah Hoti gjatë vizitës së tij në fermën “Qendra” në Dragash, tha se do t’i dyfishojnë grantet dhe subvencionet për bujqit.
Pronari i një ferme të lopëve në Plavë, Masar Piraj tha se kanë mjaft vështirësi të mbijetojnë si fermerë pa mbështetjen e shtetit.
Plasimi i produkteve të qumështit në treg dhe sigurimi i ushqimit për kafshët mbetet një ndër sfidat për fermerin Piraj.
Megjithatë, ai pati një porosi për kryeministrin Hoti dhe ministrin e Bujqësisë, Besian Mustafa.
“Kam një propozim jo vetëm pse jam i kësaj lëmije, jo vetëm për mua, nëse keni mundësi për bujqësinë fokusohuni me të gjitha kapacitetet që ta ngrejmë bujqësinë sa më lartë, pasi të gjithë ne këtu ushqehemi nga bujku dhe prodhimet e tij. Prandaj mundësisht të lehen anash kubetat dhe asfaltat, pasi bujqësinë e kemi të vetmen ekonomi që nuk kërkon standarde të larta të pa arritshme”, tha Piraj.
Kryeministri Hoti siguroi se nga viti i ardhshëm do të rritet buxheti për bujqësi dhe blegtori, në mënyrë që të ulët importi i produkteve të mishit dhe të qumështit.
“Do t’iu qëndrojmë afër, para tri javësh është hapur programi për grante dhe subvencione besojë që do të për
përmbyllet ne afat rekord që sa më shpejt bujqit me i marrë mbështetjen e nevojshme. Mirë që kalojë edhe buxhetit, subvencionet do i dyfishojmë ashtu siç kemi premtuar. Pres që vitin e ardhshëm ministri Mustafa të vjen me një program shumë më të pasur. Ngadalë, por mendoj që ky sektor po konsolidohet dhe po lidhet zinxhiri dhe po e zvogëlojmë varësinë për këto produkte.
Ndërsa, ministri i Bujqësisë Besian Mustafa ka thënë se për këtë vit kanë rrit subvencionet për krerë – lopë qumështore nga 70 euro në 85 euro.
Ai premtoi se edhe me planin për rimëkëmbje ekonomike do të përkrahet sektori i bujqësisë, në këtë rast blegtoria.
“Ne sivjet e kemi rritë përkrahjen financiare për blegtpri . Për lopë dhe buallicat qumështore kemi rritë subvencionet nga 70 euro për krerë në 85 euro. Ndërsa, sa i përket therjes së gjetheve në kafshëve nga 50 euro kemi rritë në 75 euro. Ndërsa sa i përket qumështit mbetet po ai i njëjti. Do të shohim që nga Pakoja për Rimëkëmbje që të rrisim përkrahjen për sektorin e bujqësisë duke përfshirë edhe nënsektorin e blegtorisë”, tha Mustafa.
Gjatë kësaj vizite në Dragash, kryeministri Hoti është takuar edhe me fermerët e zonës së Gorës në fshatin Krushevë, nga i cili i kërkua që të ketë më shumë investime në infrastrukturë rrugore dhe furnizim të rregull me energji elektrike. Po ky rajon u cilësua edhe si vend turistik.
