Nxënësit e këtyre klasave do të favorizohen që mësimin ta zhvillojnë në shkollë - Bota Sot
Nxënësit e këtyre klasave do të favorizohen që mësimin ta zhvillojnë në shkollë

Kosova

Nxënësit e këtyre klasave do të favorizohen që mësimin ta zhvillojnë në shkollë

Më: 12 gusht 2020 Në ora: 07:20
Foto ilustrim

Drejtori i Asociacionit të Komunave të Kosovës, Sazan Ibrahimi, ka thënë se janë dakorduar me institucionet vendore që nxënësit e klasës së parë të kenë prioritet në shfrytëzimin e bankave shkollore pasi që sipas tij ata kanë nevojë të familjarizohen edhe me mësimdhënësit.

Ai ka deklaruar se edhe nxënësit e klasës së dytë, gjashtë dhe dhjetë duhet të kenë një favorizim në zhvillimin e mësimit në shkollë.

“Edhe nxënësit e klasës së dytë duhet të jenë të favorizuar në këtë drejtim pasi gjysmëvjetorin e dytë ata nuk kanë pasur mundësi t’i ndjekin mësimet në shkolla. Edhe nxënësit e klasave të gjashtë do të kenë përparësi për shfrytëzimin e bankave shkollore, pasi kanë kaluar nga sistemi me një mësimdhënës në atë me shumë mësimdhënës. Edhe nxënësit e klasës së dhjetë do të kenë të njëjtën përparësi pasi kalojnë nga shkolla fillore në atë të mesme”, ka thënë Sazan Ibrahimi për RTV Dukagjini.

Shfaq komentet
comments powered by Disqus
Sot mund të lexoni Shfletoni kopertinat