Ministria e Shëndetësisë bëhet me tre zëvendësministra. Kjo pasi që edhe një zyrtar i LDK-së është emëruar zëvendësministër në këtë dikaster.
Luan Gola që është edhe kryetar i Degës së LDK-së në Gjakovë, përmes një statusi në Facebook, ka falnëderuar kryeministrin Hoti për besimin e dhënë, teksa ka premtuar se do të japë maksimumin në funksion të shëndetit të popullatës dhe përkrahjen e masave të ndërmarra nga Ministri Zemaj dhe stafi tij.
Para Golës, në këtë ministri zëvendësministra ishin emëruar edhe Pjetër Ndou nga Aleanca për Ardhmërinë e Kosovës dhe Resul Makreshi nga minoritetet.
Ky është statusi i tij i plotë:
Të nderuar qytetarë,
Me vendim të KM Hoti sot jam emëruar Zëvendësministër i Shëndetësisë. Falenderoj KM Hoti dhe Kryetarin Mustafa për besimin e dhënë. Në këtë kohë të pandemisë do të përpiqem që të ofroj gjithë përvojën time profesionale në funksion të shëndetit të popullatës dhe përkrahjen e masave të ndërmarra nga Ministri Zemaj dhe stafi tij.
Me respekt,
Dr.Luan Gola
