Sot janë shëruar dy persona nga Komuna e Malishevës, të cilët ishin të prekur me koronavirus, ndërsa janë regjistruar edhe katër raste të reja.
Rastet e reja vijnë nga fshatrat Ngucat, Llazicë, Bardh dhe Drenoc.
Këto të dhëna janë konfirmuar në komunikimin e rregullt zyrtar në mes të Komunës së Malishevës dhe Institutit Kombëtar të Shëndetësisë Publike të Kosovës.
Që nga shpërthimi i pandemisë në mars e deri më sot, në Komunën e Malishevës me COVID-19 janë prekur 212 persona, prej tyre 162 janë shëruar, 31 raste janë ende aktive, ndërsa 19 persona kanë vdekur.
