Babai ishte i dehur në momentin që plagosi djalin e tij në Malishevë
I dyshuari është arrestuar nga polica ndërsa është dashur edhe intervenimi i Njësisë Speciale.
Në orën 10, mbrëmjen e së mërkurës, u kthye në shtëpinë e tij në fshatin Llapqevë të Malishevës
E më të hyrë në shtëpi, dyshohet që N.H, nisi një konflikt me anëtarët e tjerë të familjes.
Nga kjo, e pësoi djali i vogël i familjes, i cili u plagos me armë zjarri.
Ndërkohë, më t’i dëgjuar krismat, fshatarët njoftuan policinë.
Por, as arritja e tyre, nuk bëri punë.
N.H mbajti peng edhe për një orë pjesën tjetër të familjes.
Për këtë, u desh të intervenonte edhe Njësiti Special i Policisë së Kosovës.
Ndërkohë, T7 gjatë ditës ka qëndruar në këtë fshat.
Por, televizioni nuk u lejua të marrë pamje në vendin ku ndodhi ngjarja.
Ndërkohë i plagosuri, u dërgua me autoambulancë në Urgjencën e Malishevës.
E rastin e kanë konfirmuar edhe në Stacionin Policor në Gjakovë.
Sipas policisë, i dyshuari është arrestuar dhe viktimës I është ofruar ndihma e parë dhe është transferuar në QKUK në Prishtinë.
I plagosuri është i lindur në vitin 1993.