Mbyllet shkolla në Vushtrri, gjashtë mësues me Covid-19, një nxënës shtrihet në Pediatri

Kosova

Mbyllet shkolla në Vushtrri, gjashtë mësues me Covid-19, një nxënës shtrihet në Pediatri

Më: 20 shtator 2020 Në ora: 16:26
Foto ilustrim

Një shkollë fillore në Vushtrri është mbyllur e tëra. Aty kanë rezultuar pozitivë me infeksionin Covid-19 gjashtë mësuese e dy nxënës të tjerë janë të dyshuar se janë prekur nga koronavirusi.

Si rrjedhojë procesi mësimor në këtë shkollë do të vazhdojë online. Ndërkohë nga dy nxënësit, njëri nga ta është i shtrirë në Klinikën e Pediatrisë në QKUK.

Detaje për zhvillimet atje ka dhënë, drejtori i Arsimit, Afrim Namani.

“Janë paraqitur dy raste të fëmijëve të dyshimtë. Ndërkohë pas testimeve që janë bërë në atë shkollë nga ana e Institutit Kombëtar të Shëndetit Publik, gjashtë mësuese kanë rezultuara pozitive me Covid 19. Si rrjedhojë jemi detyruar që ta mbyllim shkollën për momentin”, ka deklaruar për drejtori Namani.

E detaje të tjera për këtë rast ka dhënë edhe kreu i Komunës së Vushtrrisë, Xhafer Tahiri. Ai bëri të ditur se nxënësit e shkollës fillore të mesme të ulët “Mustafë Venhari” nga nesër mësimin do ta vazhdojnë në distancë (online) për shkak të disa rasteve me COVID-19 që janë shfaqur atje ditë më parë.

Tahiri ka thënë se kjo u bë bazuar në protokollin për rregullat e sjelljes në shkollë në kushte pandemie, duke kërkuar nga institucionet përgjegjëse që të nxjerrin vendim për kalimin nga skenari A i mësimit në skenarin C që do të thotë mësim në distance dhe online.

“Ditën e mërkurë, në një shkollë në qytet për fat të keq, u paraqiten raste të dyshimta të infeksionit me COVD 19 te nxënësit. Kemi reaguar menjëherë dhe në bashkëpunim me IKSHPK janë testuar nxënësit e dy klasave dhe i gjithë stafi i shkollës. Fatkeqësisht disa raste, nxënës e mësimdhënës kanë rezultuar pozitiv me COVID 19. Të gjithë të infektuarit janë në gjendje të mirë shëndetësore dhe nuk kanë probleme”.

“Ishim dhe jemi të vetëdijshëm se jemi në kushte pandemie dhe mund të ndodhin të papritura, por kthimi i fëmijëve në shkollë nuk kishte dhe nuk ka alternativë përkundër sfidave”

“Task Forca Komunale, Shtabi Emergjent dhe MSH, MASH e IKSHPK do të përcjellin situatën dhe në kohë do të marrin vendim për rikthim në shkollë varësisht nga situata epidemiologjike”, ka shkruar Tahiri në rrjetin social Facebook.

commentFirst article
Sot mund të lexoni Shfletoni kopertinat