Instituti Hidrometeorologjik i Kosovës ka njoftuar se në dy ditët e ardhshme do të vazhdojë situatë e ngjashme meteorologjike.
IHMK thekson se kjo gjendje stabile vjen si rezultat i masave të ajrit me presion të rritur atmosferik.
“Në mëngjes në ultësira parashikohet mjegull e radiacionit, ndërsa gjatë ditës do të ketë rreze dielli dhe vranësira të pakta të cilat do ti takojnë kryesisht nivelit të ulët të troposferës”, njofton IHMK.
Temperaturat minimale do të lëvizin ndërmjet 0 -2 gradë celsius, ndërsa maksimalet e ditës parashihen të lëvizin ndërmjet 15-18 gradë celsius.
Po ashtu, do të fryjë erë e lehtë deri mesatare kryesisht nga drejtimi i veriperëndimit.