Dy qytetarë nga komuna e Lipjanit humbën jetën gjatë kësaj jave, si pasojë e COVID-19.
102 testime janë kryer gjatë ditëve të kaluar, ku 12 persona kanë rezultuar pozitiv me COVID-19.
Drejtoresha e Shëndetësisë në Lipjan, Merita Bytyçi ka njoftuar se që nga fillimi i pandemisë në komunën e Lipjanit numri i rasteve pozitive ka arritur në 422, teksa kanë humbur jetën 16 persona.
E njëjta ka porositur qytetarët që të vendosin maskat, të respektojnë distancën dhe të mbajnë higjienën personale.
Postimi i plotë:
Njoftim për situatën me Pandemi për këtë javë:
Qytetarë të nderuar!
Gjatë kësaj jave në Komunën tonë, 12 persona rezultuan pozitiv në Covid-19, u realizuan 102 testime (prej tyre 73 mësimdhënës), 11 të tjerë u shëruan ndërsa dy qytetarë janë të hospitalizuar!
Fatkeqësisht kemi dy raste të vdekjes ( njëri nga Janjeva dhe njëra nga fshati Llugaxhi), me ç rast shprehim ngushëllimet më të sinqerta familjes së tyre dhe gjithë rrethit.
Që nga fillimi i Pandemisë deri më sot në Komunën tonë, numri I përgjithshëm i rasteve pozitive ka arritur në 424, ndërsa numri I të shëruarëve deri më tani është 368.
Dhe numri I rasteve që kanë humbur betejën është 16!
Prandaj, gjithnjë :
#maskë
#distancë
#higjienë personale!
Me respekt,
Dr. Merita
Drejtoreshë e DSHPS-së
