Ministri i Ekonomisë dhe Ambientit, Blerim Kuçi dhe rektori i Universitetit të Prishtinës “Hasan Prishtina”, Naser Sahiti do të nënshkruajnë sot memorandum bashkëpunimi.
Qëllimi i këtij memorandumi është të krijojë lidhje bashkëpunimi në mes të Universitetit të Prishtinës “Hasan Prishtina”- Fakultetit të Bujqësisë dhe Veterinës dhe Ministrisë së Ekonomisë dhe Ambientit të cilët së bashku do të bashkërendojnë aktivitetet për afirmimin e çështjeve aktuale në mbrojtjen e mjedisit dhe faunës, mbrojtjen e natyrës, ekspertizë dhe kërkim shkencor për projekte mjedisore.
