Lladrovci ia merr Nismës 70 anëtarë, i bashkohen PDK-së

Kosova

Lladrovci ia merr Nismës 70 anëtarë, i bashkohen PDK-së

Më: 28 nëntor 2020 Në ora: 19:42
Ramiz Lladrovci

Kryetari i komunës së Drenasit, Ramiz Lladrovci, ka dhënë një njoftim se nëndegës së PDK-së në Arllat, i janë bashkuar 70 anëtarë.

Ndërsa asamblisti i Nismës, Burim Bujupi, i bashkohet grupit parlamentar të PDK-së, në asamble, gjë të cilën, Lladrovci në rrjetin social e ka komentuar me “PDK po rritet”.

Postimi i plotë i Lladrovcit:

PDK po rritet!

Sonte, Nëndega e PDK-së në Arllat, është më e madhe për 70 anëtarë (familje), ndërsa grupi parlamentar i PDK-së, më i fortë për një asamblist.

Ne nuk do të ndalemi, do të punojmë edhe më shumë, edhe më mirë, sepse zotimi ynë para më meritorëve tanë është përkushtimi për mirëqenien e qytetarëve, sundimi i ligjit, transparenca dhe llogaridhënia.

Këto vlera ishin edhe motivi që nëndegës tonë në Arllat iu bashkuan anëtarët e Nismës së bashku me asamblistin komunal të kësaj partie, z. Burim Bujupi.

Mirënjohës dhe falënderues për z. Bujupi dhe anëtarët e rinj të PDK-së të Nëndegës Arllat!

Bashkë jemi edhe më të fortë!

Shfaq komentet
comments powered by Disqus
Sot mund të lexoni Shfletoni kopertinat