Dega e PDK-së në Drenas i reagon Lladrovcit

Kosova

Dega e PDK-së në Drenas i reagon Lladrovcit

Më: 28 nëntor 2020 Në ora: 22:17
Ramiz Lladrovci

Dega e Partisë Demokratike të Kosovës në Drenas, ka reaguar lidhur me aderimin në PDK të asamblistit Burim Bujupi nga kryetari i Komunës Ramiz Lladrovci.

PDK në Drenas, konsideron se një gjë e tillë është bërë pa dijeninë dhe në mënyrë të pakoordinuar me strukturën e degës.

Sipas kësaj dege, është anashkaluar kryetari dhe kryesia e nëndegës në Arllat, po ashtu kryesia dhe kryetari i degës në Drenas.

“Struktura e Degës e konsideron të dëmshme dhe tendencioze një aderim të tillë pasi që kjo nuk e fuqizon Degën, përkundrazi është tentim i ndërtimit të paralelizmit në struktura, e krejt kjo për arsye të realizimit të pushtetit personal e grupor”.

Reagimi i plotë

PDK në Drenas, nuk ka asgjë kundër asamblistit Bujupi, dhe ndaj askujt tjetër që dëshiron t’i bashkohet familjes së madhe politike ne Drenas, mirëpo i aderuari duhet që së pari të pastrohet para organeve të drejtësisë, lidhur më përfshirjen e tij në skandalin e 2 Milionëshit në Ministrin e Financave përkatësisht në Thesarin e Shtetit.

Partia Demokratike e Kosovës është secilën ditë duke u pasuruar me kuadro të përgatitura, profesionale dhe kredibile, andaj të kontribuojmë për ndryshim e të ardhme me përfaqësim të denjë!

Shfaq komentet
comments powered by Disqus
Sot mund të lexoni Shfletoni kopertinat