QKRMT: Në SHKK mungon trajtimi i të dënuarve në baza individuale për riintegrimin e tyre pas lirimit

Kosova

QKRMT: Në SHKK mungon trajtimi i të dënuarve në baza individuale për riintegrimin e tyre pas lirimit

Më: 10 dhjetor 2020 Në ora: 09:57
Burgu i Dobravës

Qendra Kosovare për Rehabilitimin e të Mbijetuarve të Torturës ka publikuar raportin vjetor mbi gjendjen e të drejtave të njeriut në institucionet korrektuese të Kosovës. Sipas raportit, gjendja e përgjithshme e trajtimit të personave të dënuar dhe të paraburgosur si dhe kushteve të banimit në institucionet korrektuese ka shënuar një përmirësim të ndjeshëm.

Siç thuhet në njoftim, poashtu janë shtuar aktivitetet e punës për të dënuarit nëpër institucionet korrektuese, duke përfshi edhe punën jashtë institucioneve të vuajtjes së dënimit.

Megjithatë sipas QKRMT-së, disa probleme sistemore ende nuk janë tejkaluar në SHKK, duke shtuar se ka ngecur në proces trajtimi i të dënuarve në baza individuale për një proces rehabilitimi dhe riintegrimi të tyre në shoqëri pas lirimit.

“Është iniciuar Ligji për ShKK i cili mund të rregullojë shumë aspekte të këtij Shërbimi, ndërsa ka ngecur në proces plotësim-ndryshimi i Ligjit për Sanksione Penale. Po ashtu, shumë nga udhëzimet administrative që burojnë nga ky Ligj nuk janë nxjerrë ose nuk janë të harmonizuara me njëra tjetrën”, thuhet në njoftim.

QKRMT u ka bën thirrje institucioneve që të ndërmarrin iniciativa për ndryshime ligjore për lehtësimin e jetës së të dënuarve në rrethanat e pandemisë. Gjithashtu kjo qendër e vlerëson si shumë të nevojshme plotësim-ndryshimin e ligjeve ekzistuese që mundëson lirimin e një numri të të dënuarve me dënime afatshkurtëra, pezullimin e dënimit për shkaqe shëndetësore (të moshuar dhe me sëmundje kronike), apo nxjerrjen e Ligjit për Amnisti etj.

Ndërkaq Këshillit Gjyqësor i është bërë thirrje për lirim më të madh të të dënuarve me kusht si dhe aplikim më të gjerë të masave alternative ndaj paraburgimit. 

commentFirst article
Sot mund të lexoni Shfletoni kopertinat