Një fëmijë 9-vjeçar është lënduar si pasojë e një zjarri që ka kapluar një shtëpi në Deçan.
Rasti ka ndodhur mbrëmjen e së shtunës, ndërkaq zjarri po dyshohet se është shkaktuar nga një nxehëse elektrike.
Policia në raportin 24 orësh ka njoftuar se 9-vjeçari është dërguar për ndihmë mjekësore në Deçan, e më pas në Pejë.
“Është raportuar se në shtëpinë e viktimës mashkull i Kosovës ka shpërthyer një zjarr i cili dyshohet se është shkaktuar nga një nxehëse elektrike që kishte qenë në një dhomë të shtëpisë. Si pasojë e zjarrit lëndime trupore ka pësuar një fëmijë i moshës 9 vjeç i cili ndihmën e parë mjekësore e kishte marr në QKMF Deçan pastaj për tretman të mëtejmë është dërguar në spitalin rajonal në Pejë”, ka njoftuar policia.
Në vendin e ngjarjes kanë dalë policia, KEDS’i dhe zjarrfikësit, të cilët e kanë shuar zjarrin.
“Në vendin e ngjarjes përveç njësive policore kanë dalë zjarrfikësit të cilët kanë shuar zjarrin si dhe punëtorët e KEDS-it. Rasti vazhdon të hetohet”, bën të ditur policia.
