Edhe përkundër thirrjeve për t’u respektuar masat antiCOVID-19 të vendosura nga institucionet shëndetësore e shtetërore, qytetarët po vazhdojnë që të mos i përfillin këto masa.
Vetëm gjatë së shtunës, Policia e Kosovës ka shqiptuar 759 gjoba për mosrespektim të masave për parandalimin e përhapjes së virusit korona.
Ndërkohë që virusi SARS CoV2 po vazhdon të përhapet duke marrë kështu edhe jetë njerëzish. Në raportin e fundit të Institutit Kombëtar të Shëndetësisë Publike të Kosovës (IKShPK) është raportuar edhe për vdekjen e katër personave si pasojë e infektimit me COVID-19.
Në mesin e tyre edhe një 33 vjeçar nga Malisheva.
