Pas shpalljes së kandidaturës për kryetar të Drenasit edhe për një mandat, Lladrovci merr përkrahje nga disa bashkëpartiakë

Kosova

Pas shpalljes së kandidaturës për kryetar të Drenasit edhe për një mandat, Lladrovci merr përkrahje nga disa bashkëpartiakë

Më: 10 janar 2021 Në ora: 13:50
Lladrovci dhe Syla

Drenica gjithmonë ka qenë dhe është bashkë, kur bëhet fjalë për interesin nacional, kështu e nisi shkrimin e tij kryetari i Drenasit Ramiz Lladrovci, shkrim në të cilin tregon se po merr mbështetje për kandidimin e tij për kryetar të Drenasit.

Lladrovci falenderon Azem Sylën, Sejdi Hoxhën(deputet i PDK-së në legjislaturën e fundit) e Labinot Halilajn për përkrahjen që i dhan kandidimit të tij, kandidim ky i bërë publik nga Lladrovci para disa ditësh.

Këtë kandidim Lladrovci e kishte bërë pa mbështetjen zyrtare të partisë, madje para shpalljes së kandidaturës së tij, ai kishte thënë se ka persona brenda PDK-së që nuk po e duan kandidimin e tij edhe për një mandat.

Postimi i tij i plotë:

Drenica gjithmonë ka qenë dhe është bashkë, kur bëhet fjalë për interesin nacional.

Falënderoj Azem Syën, Sejdi Hoxhën dhe Labinot Halilajn për vizitën dhe përkrahjen me rastin e nominimit tim për kryetar të komunës në mandatin e ardhshëm. Kjo përkrahje, ka kuptim në funksion të mirëqenies së qytetarëve, përmirësimin e kushteve të jetës për qytetarët tanë, duke e bërë datën 14 shkurtin, datë të festës për votën e fuqishme të qytetarëve të komunës tonë dhe Drenicës për PDK-në.

Djepi i UÇK-së, Drenica, vatra e luftës dhe çlirimit, është rritur në nivel nacional falë unitetit tonë, duke u identifikuar pas çlirimit si bastion i PDK-së. Edhe sot, ashtu siç e kam cekur më herët, do të jemi unik, si asnjë herë më parë, sepse, vizioni ynë për fuqizimin e shtetit, për zbatimin e ligjit dhe mundësive të barabarta, janë frymëzimi ynë.

Dhimbja jonë, nga 6 nëntori 2020, është e lidhur me ndalimin e padrejtë të liderëve tanë në Hagë, andaj përkushtimi ynë për fitore, do të jetë i motivuar më shumë se çdo herë në Kosovën e lirë dhe kauzat e udhëheqësve tanë drejt çlirimit dhe fuqizimit të shtetit.
Uniteti ynë, ka qenë dhe është çelësi i fitores!

Shfaq komentet
comments powered by Disqus
Sot mund të lexoni Shfletoni kopertinat