Seanca për rastin e hapjes së konkursit për Drejtor të Përgjithshëm të Policisë së Kosovës, pas shkarkimit të Rashit Qalajt, është shtyrë për datën 3 shkurt.
Në seancën gjyqësore të mbajtur të mërkurën, avokati i Rashit Qalajt, Adem Vokshi ka thënë se tërheqë kërkesën për mbajtje të seancës në mungesë.
“Kundërpropozuesi i parë dhe ai i dytë kanë propozuar ftesat në mënyrë të rregullt. Njëra palë është ftuar më 8 janar 2021. Kurse kundërpropozuesja e dytë s’ka provë që është ftuar në mënyrë të rregullt” tha gjyqtarja e rastit.
“Tërheq propozimin e mbajtjes së seancës në mungesë” tha Vokshi.
Ndërsa, Saranda Bogaj – Sheremeti, gjyqtare tha se Gjykata merr aktvendim që seanca e radhës të caktohet më datë 3 shkurt në ora 14:00.
