5,892 raste aktive me coronavirus, shqetësuese mundësia e ri-infektimit

Kosova

5,892 raste aktive me coronavirus, shqetësuese mundësia e ri-infektimit

Më: 26 janar 2021 Në ora: 07:17
Ilustrim

Instituti Kombëtar i Shëndetit Publik bën të ditur se numri total i rasteve pozitive është 58.399 raste nga 221.663 persona të dyshimtë në virusin SARS-CoV-2 dhe 1.466 raste të vdekjes.

IKSHPK njofton se numri i përgjithshëm i të shëruarve deri më sot është gjithsej 51.081 raste, kurse numri i rasteve aktive është 5.852.

Infektologu Sali Ahmeti një ditë më parë ka folur për mundësinë e ri-infektimit me coronavirus.

Ai ka thënë se momentalisht në Klinikën Infektive është një pacient që po mendohet se është ri infektuar me coronavirus.

“Në praktikën tonë kemi pasur disa raste që kanë manifestuar shenja klinike për herën e dytë dhe që të njëjtin kanë rezultuar pozitiv për herë të dytë në testin PCR. Gjithmonë te sëmundjet infektive raste përjashtuese ekzistojnë. Edhe te COVID-19, për arsye të ndryshme mund të ekzistojnë rastet e infektimit”.

Ahmeti thotë se edhe personat që kanë kaluar sëmundjen duhet të bartin maska dhe të ruhen nga virusi në mënyrë që të mos ketë befasi.

Shfaq komentet
comments powered by Disqus
Sot mund të lexoni Shfletoni kopertinat