SHKK: Aktualisht asnjë i burgosur nuk është i prekur nga pandemia

Kosova

SHKK: Aktualisht asnjë i burgosur nuk është i prekur nga pandemia

Më: 25 shkurt 2021 Në ora: 18:47
Pamje nga takimi

Sot në Burgun e Sigurisë së Lartë, Drejtori i Përgjithshëm i Shërbimit Korrektues të Kosovës, Nehat Thaçi së bashku me UD Drejtorin e Burgut të Sigurisë së Lartë, Burim Buleshkaj, pritën në takim Shefin e Misionit të BE-së për Sundimin e Ligjit në Kosovë, Lars – Gunnar Wigemark.

Në takim u bisedua lidhur me punët dhe bashkëpunimin në mes të Shërbimit Korrektues të Kosovës dhe Misionit të BE-së për Sundimin e Ligjit në Kosovë – EULEX.

Gjatë takimit, Thaçi e njoftoi Wigemark rreth sigurisë, sfidave dhe të arriturave të SHKK-së. Po ashtu, e njoftoi edhe mbi menaxhimin e masave kundër pandemisë COVID-19, ku si rezultat i menaxhimit të deritanishëm, aktualisht asnjë i burgosur nuk është i prekur nga pandemia.

Drejtori Thaçi dhe Shefi i EULEX-it, Wigemark shprehën gatishmërinë për bashkëpunim të vazhdueshëm në arritjen e misionit dhe mandatit të të dyja institucioneve.

Shfaq komentet
comments powered by Disqus
Sot mund të lexoni Shfletoni kopertinat