Adriatik Kelmendi infektohet me Covid-19, rezultatin e merr gjatë intervistës me Enver Hoxhajn

Kosova

Adriatik Kelmendi infektohet me Covid-19, rezultatin e merr gjatë intervistës me Enver Hoxhajn

Më: 25 shkurt 2021 Në ora: 23:34
Adriatik Kelmendi

Gazetari Adriatik Kelmendi, ka treguar se pas testimit për COVID-19 ka rezultuar pozitiv.

Ai u njoftua gjatë intervistës live sa po e mbante me kryetarin e Partisë Demokratike të Kosovës (PDK’së), Enver Hoxhaj.

Kelmendi tha se është mirë me shëndet dhe se ka dhimbje të vogla të kokës dhe fytit.

Më poshtë gjeni shkrimin e plotë të Kelmendit:

S’ka se si të ndodhte ndryshe.

Sonte, në 2-3 minutat e fundit të Rubikonit më erdhi porosia se – më në fund! – edhe unë dola Covid-19 pozitiv. Pasi që kisha pasur kontakt me persona të infektuar, pardje bëra një test që rezultoi negativ, kurse sot edhe një tjetër – pozitiv.

E qartë, asnjë ditë të vetme nuk jam karantinuar që nga shpallja e pandemisë, duke punuar çdo ditë dhe duke parë se shumica e njerëzve të kontaktit dilnin pozitivë. Padyshim se i jam përmbajtur protokoleve aq sa kam mundur, kam bërë edhe shumë teste të tjera përgjatë kësaj kohe…

Me shëndet jam përgjithësisht mirë, përveç një gërrithje të lehtë të fytit dhe pak dhimbje koke.

Shfaq komentet
comments powered by Disqus
Sot mund të lexoni Shfletoni kopertinat