'Drenasi shembull i suksesshëm për legalizimin e ndërtimeve pa leje'

Kosova

'Drenasi shembull i suksesshëm për legalizimin e ndërtimeve pa leje'

Më: 1 mars 2021 Në ora: 15:51
Drenas

Drejtoresha për Planifikim Urban dhe Mbrojtje të Mjedisit, Flutura Avdiu, bashkë me Grupin punues për legalizimin e ndërtimeve pa leje, priti në një takim përfaqësuesin e Ministrisë së Ekonomisë dhe Ambientit, z. Ilir Kryeziu dhe përfaqësuesin e USAID-it, z.Vigan Perani.

Avdiu i njohu lidhur me procesin dhe rezultatet e legalizimit të ndërtimeve pa leje në Komunën e Drenasit.

Nga ana tjetër, z. Kryeziu nga MEA dhe z.Perani nga USAID-i, pasi u njoftuan për të gjitha veprimet e ndërmarra nga Komuna e Drenasit, përgëzuan për punën e bërë në këtë proces, njëherësh vlerësuan Drenasin si shembull të suksesshëm, që duhet të ndiqet nga komunat e tjera. Ata njoftuan edhe për broshurën e përgatitur për qytetarët, ku informohen në detaje, lidhur me procedurat për legalizimin dhe dokumentacionet e nevojshme, duke sugjeruar që kjo broshurë të merret si mostër se si duhet hartuar komunat e tjera.

Në këtë takim, gjithashtu u diskutua rreth procesit të deritashëm që ka kaluar Komuna e Drenasit rreth legalizimit të objekteve të ndërtuara pa leje, arritjet, sfidat dhe paqartësitë në këtë drejtim. Ndërsa, u informua se se shpejti do të nisin edhe takimet nëpër vendbanimet e Drenasit, të cilat janë shtyrë për shkak të pandemisë.

Grupi punues për legalizim të ndërtimeve pa leje përbehet nga zyrtarët e DPUMM-së, DGJKP-së, DAP-së dhe Zyrës për komunikim me publikun.

Ju bëjmë thirrje të bëni të ligjshëm dhe të sigurtë banimin tuaj.

Shfrytëzojeni mundësinë, legalizojeni ndërtimin!

Shfaq komentet
comments powered by Disqus
Sot mund të lexoni Shfletoni kopertinat