Institucioni i Avokatit të Popullit organizon tryezën e diskutimit në lidhje me publikimin e dy raporteve me rekomandime. (Hotel “International Prishtinë"- Veternik, Prishtinë, ora 09:30 - 12:00)
Mbahet takimi konsultativ i Nën-komitetit për Transport, Mjedis, Energji dhe Zhvillim Rajonal (NK për TMEZhR) me shoqërinë civile. (Platforma Zoom, ora 9:30)
Mbahet mbledhje komemorative me rastin e ndarjes nga jeta të profesor Zejnullah Grudës. (Amfiteatri i Madh - Fakulteti Juridik, Prishtinë, ora 10:00)
Oda e Mjekëve ndan mirënjohje përkujtimore për mjekët që janë ndarë nga jeta gjatë vitit 2020 dhe institucionet shëndetësore mbështetëse të rajonit të Prishtinës, për kontributin e dhënë në luftën kundër pandemisë. (Amfiteatri i Qendrës së Telemjekësisë - QKUK, Prishtinë, ora 10:00)
U.d. e presidentes, Vjosa Osmani dhe kryeministri në detyrë, Avdullah Hoti marrin pjesë në ceremoninë e zbarkimit të kontingjentit të Forcës së Sigurisë të Kosovës në misionin e parë paqësor jashtë vendit. (Salla e sporteve - Kazerma “Adem Jashari”, Prishtinë, ora 10:45)
Partia Liberale Egjiptiane (PLE) dorëzon ankesë në Gjykatën Supreme për anulimin e vendvotimeve edhe në disa komuna tjera. (Ora 11:00).
