Edhe pse do të duhej që të betoheshin 120 deputetë gjithsej, në Kuvendin e Kosovës sot janë betuar vetëm 114 deputetë.
Kjo për shkak se disa prej tyre munguan në seancën konstituive të Kuvendit të Kosovës për legjislaturën e tetë me radhë.
Në mesin e deputetëve tashmë të betuar është edhe Bekë Berisha nga Aleanca për Ardhmërinë e Kosovës.
Berisha është betuar për të tretën herë me radhë në kuadër të Kuvendit të Kosovës, teksa falënderoi të gjithë votuesit për besimin e dhënë.
“Sot dhashë betimin për herën e tretë si deputet i Kuvendit të Republikës së Kosovës, ju falënderojë të gjithë juve votues për besimin e dhënë. Në punën dhe angazhimin tim në këtë mandat si gjithherë do të jenë ndjenjat dhe përkushtimi për vendin për progresin e vendit tonë sikur në betimin e më hershëm”, tha Berisha.
Bekë Berisha është në mesin e tetë deputetëve të Aleancës të cilët arritën të mbledhin vota mjaftueshëm për të qenë pjesë e kësaj legjislature.