Sot shënohet 22 vjetori i rënies së heroit të kombit, komandanti të Brigadës 138 - Agim Ramadani KATANA, me këtë rast, Kryetari i Komunës së Obiliqit, Xhafer Gashi, nëpërmjet një shkrimi në Facebook, ka përkujtuar bashkëluftëtarin e tij, i cili datën 11 prill rënien e komandantit KATANA e ka cilësuar si ditën më të rëndë në kalendarin e jetës së tij.
Kryetari Gashi, ndër tjerash është shprehur se: “Agim, ti ishe personalitet unik, burrë trim, strateg i madh, një djalë Kosove të cilës ja fale jetën..ti sot jeton në përjetësi e ne bashkëluftëtarët e tu jetojmë me dhimbje e mall që nuk je në mesin tonë.. mbase vetëm fizikisht, sepse në brendësin e shpirtit tim rron ideali dhe atdhedashuria jote..”
Shkrimi i plotë i Kryetarit Gashi:
“Sot 11 prilli, datë që në kalendarin e historisë shënon rënien e trimit të përmasave botërore, Agim Ramadani-Katana, ndërsa në kalendarin e jetës sime shënon ditën më të rëndë të humbjes së vëllaut,shokut,mikut e bashkëluftëtarit tim.
Agim, ti ishe personalitet unik, burrë trim, strateg i madh, një djalë Kosove të cilës ja fale jetën..ti sot jeton në përjetësi e ne bashkëluftëtarët e tu jetojmë me dhimbje e mall që nuk je në mesin tonë.. mbase vetëm fizikisht, sepse në brendësin e shpirtit tim rron ideali dhe atdhedashuria jote..
Hero im, ti je vet historia e lirisë dhe pavarësisë së Kosovës!
Lavdi jetës dhe veprës tënde! Lavdi të rënëve për liri!
