12 fshatra të Vitisë pritet të bëhen me ujë të pijshëm

Kosova

12 fshatra të Vitisë pritet të bëhen me ujë të pijshëm

Më: 22 prill 2021 Në ora: 12:27
Foto ilustrim

Banorët e fshatrave Stubëll e Epërme, Stubëll e Poshtme, Podgorcë, Debelldeh, Gjylekar, Binçë, Kabash, Beguncë, Zhiti, Tërpezë, Budrikë e Epërme dhe Remnik së shpejti do të bëhen me ujë të pijshëm pasi që sot Kryetari i komunës së Vitisë, Sokol Haliti ka nënshkruar sot një memorandum mirëkuptimi me Dorsch International Consultants GmbH dhe Community Development Initiatives (CDI) të përfaqësuar nga Alan Brown dhe  Kompania Rajonale e Ujësjellësit “Hdromorava”- Gjilan, përfaqësuar nga Muhamed Suliqi. 

Përndryshe ky projekt  do të financohet nga Komuna e Vitisë dhe programi cili bashkë financohet nga Qeveria Zvicrës përmes Agjencisë Zvicerane për Zhvillim dhe Bashkëpunim (SDC), Zyra në Kosovë dhe Qeverisë së Republikës së Kosovës, përmes Ministrisë së Ekonomisë dhe do të implementohet nga Dorsch/CDI. 

Me këtë rast Kryetari i Komunës së Vitisë, Sokol Haliti, theksoj se më nënshkrimin e këtij dokumenti në 12 fshatrat e kësaj komune do të sigurohet ujë i pijshëm i cila pas funksionalizimit do të merret në menaxhim nga Kompania Rajonale e Ujërave “ Hidromorava” në Gjilan.

“Ky projekt është i mirëpritur për qytetarët e komunës së Vitisë, pasi që kemi filluar të përmbyllim një proces që ka filluar që disa vite si për ndërtimin e ujësjellësve të rijnë dhe rehabilitimin e tyre që kanë qenë në proces si dhe përmbylljen definitive me ujë të pijes për gjithë territorin e komunës së Vitisë, pa dallime në mesin e tyre edhe rritjen e kapaciteteve të ujit” u shpreh kryetari Haliti. Ai shtoj se për të arritur deri këtu është bërë me të vërtetë një punë e madhe  nga komuna e Vitisë me  partnerë.  Për këtë ai u shpreh falënderues ndaj  SDC Zvicerane, Qeverisë së  Kosovës, Dorsch/CDI dhe  KRU “Hidromorava”. 

Kreu i kësaj komune tha se kjo marrëveshje tri paleshe garanton sigurimin e ujit për qytetarët e komunës së Vitisë, ku sipas tij me dokumentin e nënshkruar sot  janë 12 fshatra të cilët do të bëhen me ujë të pijshëm pasi që  në disa pjesë do të bëhet ujësjellës të ri në disa të tjera do të ketë rehabilitim dhe forcim të kapaciteteve.  Kreu i kësaj komune ka folur edhe për angazhimin e komunës së Vitisë, që të siguroj ujë të pijshëm sa më parë për të gjitha fshatrat e kësaj komune. 

Ndërkaq Alan Brown nga Dorsch/CDI tha se ne jemi shumë të kënaqur që kemi pasur mundësinë të ju shërbejmë qytetarëve të komunës së Vitisë në përmirësimin e shërbimit për ujë të pijes. Ai gjithashtu u shpreh se është shumë i  kënaqur që bashkëpunimi me komunën e Vitisë dhe Hidromorava është në nivel të duhur dhe shumë të mirë duke potencuar se është i  sigurt se në vazhdimësi do të bëjnë përmirësimin e shërbimeve të ujit për qytetarët.  

E  kryeshefi ekzekutiv i KRU “Hidromorava”-Gjilan,  Muhamed Suliqi u shpreh falënderues ndaj kryetarit Haliti dhe  përfaqësuesit të  Dorsch/CDI  Alen Brown për ndarjen e mjeteve për të investuar në finalizimin e rrjeteve të ujësjellësit për 12 fshatra. Kryeshefi Suliqi tha se përfitues të këtij investimi do të jenë banorët e këtyre fshatrave dhe bëri me dije se pas finalizimit dhe pranimit teknik KRU “Hidromorava” do ti merr ato në menaxhim. 

Ai tha se më pas është  obligim i kësaj kompanie që të ofrojnë shërbime sa më cilësore këtyre banorëve. Edhe ai tha se do të vazhdojnë bashkëpunimin me Komunën e Vitisë dhe Drosch/CDI me projektet e tjera që janë në fazën finale në këtë komunë.

commentFirst article
Sot mund të lexoni Shfletoni kopertinat