Lëvizja Vetëvendosje e ka kandiduar Orges Tafilajn për kryetar të Komunës së Deçanit në zgjedhjet lokale të 17 tetorit.
Lajmin e ka bërë të ditur Qendra e LVV në Deçan përmes një postimi në faqen e saj zyrtare në Facebook.
“Në procesin e brendshëm zgjedhor, Lëvizja VETËVENDOSJE! Qendra në Deçan ka zgjedhur aktivistin Orges Tafilaj kandidat për kryetar komune për zgjedhjet e lokale të 17 Tetorit.
Përzgjedhja e kandidatit është vetëm fillimi i një pune të palodhshme që na pret deri më datë 17 Tetor, punë që e vazhdon angazhimin e deritanishëm të Lëvizjes VETËVENDOSJE!”, thuhet në postim.
