Ministrja e Integrimit Evropian, Mimoza Ahmetaj zhvilloi një takim jashtëzakonisht të frytshëm me ambasadoren e Kroacisë në Kosovë, Marija Kapitanoviq.
Në këtë takim, më në detaje u diskutua për avancimin rreth zbatueshmërisë së Marrëveshjes së Stabilizim Asocimit (MSA) pasiqë Kroacia ka qenë vendi i parë i Ballkanit Perëndimor tek i cili u aplikua instrumenti i MSA-së dhe si janë menaxhuar sfidat në këtë proces. Natyrisht Kosova ka nevojë për përvojën dhe ekspertizën Kroate në zbatimin e MSA-së për të shërbyer si udhërrëfyes gjatë këti procesi.
Në vazhdim u fol edhe për gjendjen aktuale me Agjendën Evropiane të Reformave, konsultimet me akterët kyç për përcaktimin e Kosovës për Programet e BE-së dhe gjendjen aktuale rreth procesit të Liberalizimit të Vizave për Kosovën.
Me këtë rast Ahmetaj potencoi rëndësinë e ndërlidhjes së drejtëpërdrejtë me homologët kroat të zyrtarëve institucional të Kosovës në mënyrë që edhe komunikimi dhe shkëmbimi të jetë i struktururar dhe konkret.
Nga ana e saj, Kapitanoviq ritheksoi gatishmërinë e Kroacisë për të zgjëruar bashkëpunimin rreth agjendës evropiane, rrjedhimisht në kuadër të zbatimit të MSA-së.
