(E plotësuar) - Policia e Kosovës konfirmon se mbrëmë rreth mesnate zyrat e Partisë Demokratike të Kosovës në Skenderaj janë sulmuar me armë zjarri.
Sipas Policisë nga ky sulm është dëmtuar një dritare e zyrave të kësaj partie dhe një dritare e një lokali që gjendet në afërsi të selisë së PDK-së.
“Fatmirësisht nuk ka të lënduar nga ky sulm. Policia po heton për të dyshuarit e mundshëm”, tha për KosovaPress, Fexhrije Pllana nga Policia rajonale e Mitrovicës.
Sulmohen me armë zyrat e PDK’së në Skenderaj, shkak pakënaqësia me listat për deputetë
Persona të panjohur deri më tani, mbrëmë kanë sulmuar selinë e PDK’së në Skënderaj.
Në orët e vona të mbrëmjes, dikush ka shtënë me armë në drejtim të zyrave të PDK’së në Skenderaj.
Pas kësaj, Policia ka dal në vendin e ngjarjes, por deri tani askush nuk është arrestuar.
Besohet se shkak i këtij sulmi është pakënaqësia që dikush ka mundur të ketë me emrat që janë në listën zgjedhore e të cilët janë publikuar mbrëm pak para mesnatës.
Dega e PDK’së nga kjo konunë ka dërguar 21 emra për deputetë po fare pak nga ata janë përfshirë në listën e koalicionit PDK-AAK-NISMA.
Lajmin per media e ka konfirmuar nënkryetari i degës së PDK-së, në Skenderaj, Bekim Haxhiu. Ai deklaroi se në bazë të të dhënave që ka deri më tani asnjë person nuk është lënduar.
“Po unë sot u njoftova nga një zyrtar i yni që gjendet në zyrat tona në Skenderaj. Mbrëmë në orët e vona qenkan sulmuar zyret tona. Zyra jonë dhe një shitore afër që gjendet atje qenkan sulmuar. Nuk kam informata se ndonjë person është lënduar”, ka thënë Haxhiu.
